Vísó - Barnaverndarstofa

Föstudaginn 28. nóvember er fyrsta vísindaferð Ólafíu og stefnan sett á Barnaverndarstofu í Borgartúni 21. Við verðum þar frá 15-17 og er planið að taka smá kaffihúsaspjall á nærliggjandi kaffihúsi í kjölfarið.

Við hvetjum auðvitað alla til að mæta og fá tækifæri til að skoða húsakynni Barnaverndarstofu, fá kynningu á stofnuninni, tækifæri til þess að spyrja spurninga og ekki síst mynda tengsl við aðra félagsráðgjafa og félagsráðgjafanema.

Vísindaferðin er eingöngu ætluð Framhaldsnemum í félagsráðgjöf!!!

"Þær sem ekki passa sig þær eru sekar"

Fimmtudaginn 13. nóvember, mun Ólafía standa fyrir sinni fyrstu málstofu.

Guðrún Jónsdóttir, talsmaður Stígamóta mun koma og fjalla um kynferðislegt ofbeldi gegn konum. Hún nefnir erindi sitt "Þær sem ekki passa sig þær eru sekar".

Málstofan verður haldin í stofu N132 í Öskju frá kl. 12:25 til 13:15.

Við hvetjum alla áhugasama til þess að mæta!

Fyrsta samdrykkja Ólafíu

Félagsráðgjafanemar söfnumst saman og deilum þekkingu!

Ólafía félag framhaldsnema í félagsráðgjöf boðar til samdrykkju fimmtudaginn 6. nóvember kl. 20.00

Staðurinn er Highlander bar, Lækjargötu 10 (beint á móti MR).

Léttvín verður selt á 700 kr. og ölið fer á 500 kr.


Kynnt verða lokaverkefni til BA prófs og eru þau eftirfarandi:

Helena N. Wolimbwa og Rebekka Júlía Magnúsdóttir : BA verkefni í félagsráðgjöf – eigindleg rannsókn á móttöku flóttamanna á Íslandi


Arndís Tómasdóttir: BA verkefni í félagsráðgjöf - Líðan lögreglumanna út frá starfsumhverfi: Er þörf á félagsráðgjafa?

Sigrún Heiða Birgisdóttir: BA verkefni í félagsráðgjöf – Atvinnuendurhæfing: Hvað svo?

Fimmtudaginn 6. nóvember stóð Ólafía fyrir samdrykkju, þar voru kynnt 3 BA verkefni - en það voru Sigrún Heiða, Arndís og Helena sem kynntu sín BA verkefni.


Á samdrykkjuna voru teknar nokkrar myndir - hérna koma þær:

Við þökkum kærlega fyrir skemmtilegt kvöld!!

Spilakvöld á fimmtudaginn

Kæru félagsmenn, 16. október næstkomandi (á fimmtudaginn) mun Ólafía í samstarfi við Mentor standa fyrir spilakvöldi. Spiluð verður félagsvist og heitt kakó og nýbakaðar vöfflu bornar í félagsmenn. Við hvetjum ykkur til þess að fjölmenna á þennan sögulega viðburð og eiga með okkur skemmtilega kvöldstund í Árnagarði, stofu 422 frá kl. 19 - 22

Endilega skrifið í athugasemdir ef þið ætlið að skella ykkur.

Skráningin hjálpar okkur að áætla fjölda en er ekki bindandi.

-----

Nýtt félag hefur litið dagsins ljós

Ólafía - félag framhaldsnema í félagsráðgjöf var stofnað 2. október síðastliðinn á aðalfundi Samfélagsins sem hefur horfið frá því að vera félag framhaldsnema við félagsvísindadeild Háskóla Íslands og er nú félag framhaldsnema í félags- og mannvísindadeild. Í kjölfar fundarins var farið í að semja lög, sækja um kennitölu, gera drög að dagskrá, sækja um styrk í stúdentasjóð svo fátt eitt sé nefnt.

Dagskrá Ólafíu verður kynnt innan fárra daga og er það einlæg ósk okkar að henni verði tekið vel og að félagsmenn verði duglegir að mæta á málstofur, samdrykkjur, vettvangsferðir og aðra skemmtilega dagskrárviðburði.

Nemendur í MA námi, Doktors námi og Diplóma námi í félagsráðgjöf eru aðilar að félaginu.

Félagið mun selja afsláttarkort til félagsmanna. Kortið veitir ýmsa afslætti af vöru og þjónustu auk þess sem það veitir afslætti á viðburði sem rukkað er inn á. Kortið kostar 2.500 kr. og er hægt að panta með því senda póst á olafia.fff@gmail.com
Við hvetjum að sjálfsögðu alla til að kaupa sér kort og styrkja og efla starf félagsins og fá um leið frábær tilboð á eftirtöldum stöðum.

Afslættir:
13% afsláttur á Serrano
15% afsláttur hjá Adam og Evu
10% afsláttur hjá Spilavinum
20% afsláttur af mat á Hressó
15% afsláttur af sóttum tilboðum hjá Wilson's Pizza
2 fyrir 1 í Háskólabíó, mán-fös *gildir ekki á ísl. myndir
10 bjóra kort á 5000 kr. á Kaffibarnum
Stór bjór á 400 kr. hjá Nýlenduvöruversluninni